Plantun de Prouvènço

Pèr coumpara dos planto d'encò nostre

Orchis provincialis & Cuscuta scandens

Orchis provincialis

Orchidaceae

Nom en français : Orchis de Provence.

Descripcioun :
Lou gau-de-Prouvènço es un Orchis pas bèn grand e prim que trachis dins li bos clar e li champino, pulèu sus sòu séusous. La labreto, jauno emé de taco roso, èi di tres partido. La flour a un long esperoun. Apoundèn que li fueio soun tóuti basalo e tacado de negro.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 30 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Orchis
Famiho : Orchidaceae

Ordre : Aspargales

Coulour de la flour : Jauno
Petalo : irreguliero
Ø (o loungour) flour : 15 à 24 mm
Flourido : Printèms

Sòu : Si (Ca)
Autour basso e auto : 0 à 1200 m
Aparado : Vo
Mars à mai

Liò : Bos clar - Champino
Estànci : Termoumediterran à Mesoumediterran
Couroulougi : Eurimediterrano
Ref. sc. : Orchis provincialis Balb. ex DC., 1806

Péu-de-lin(-escaladaire)

Cuscuta scandens

Convolvulaceae

Àutri noum : Péu-de-lin, Péu-de-damo, Barbo-de-mouine, Rasco, Cuscuto.

Noms en français : Cuscute volubile, Cuscute du Bident.

Descripcioun :
Aquéu péu-de-lin trachis pulèu dins li mitan umide. Si tijo soun jauno aranjado e sis enflourejado en grumicelet fan de 8 à 15 mm. Se recounèis peréu que sis estigmate soun en massugueto. Li flour soun blanco o jaunasso. Li boursèu fan de 2,8 à 3,8 mm.

Usanço :
Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo .